भाऊराया

मैलो दूर असूनही मनाने तुझाच

विचार करणारी बहिणीची वेडी ही माया

दीर्घ आयुष्य लाभू दे माझ्या भाऊराया.🙏

तू आयुष्यात खूप मोठा होऊ दे

मागणीसाठी देवापुढे झिझवते ही काया

दीर्घ आयुष्य लाभू दे माझ्या भाऊराया.☺️

सुख दुःखात पाठीशी कायम उभा राहणारा

तू माहेरची मोठी रे प्रेमळ छाया

दीर्घ आयुष्य लाभू दे माझ्या भाऊराया.🙏

याची देही याची डोळा आता

तुझा सुखाचा संसार मिळू दे पहाया

दीर्घ आयुष्य लाभू दे माझ्या भाऊराया.☺️

खूप कष्टाने चांगली माणसे कमावली

तुझे हे कष्ट कधीच जाऊ नये वाया

दीर्घ आयुष्य लाभू दे माझ्या भाऊराया.🙏

तुझ्या आयुष्यातील सर्व सुखकारक

गोष्टींची प्रगती पदोपदी मिळो ऐकाया

दीर्घ आयुष्य लाभू दे माझ्या भाऊराया.☺️

– प्रेमा