तू असचं अल्लड वागून
परत एकदा माझ्या
डोक्यात जाऊ नकोस.🙄

रागाच्या भरात विचार करून
तुलाच जास्त त्रास होईल
असं परत एकदा वागू नकोस.🙄

स्वतःचचं खरं करण्याच्या
नादात आपली ही मैत्री
परत एकदा गमावू नकोस.🙄

तुझ्या या हट्टीपणाला कंटाळून
मी दूर जात आहे; म्हणून नशिबाला
परत एकदा दोष देऊ नकोस.🙄

मैत्रीचं नातं म्हणजे कष्टाने कमावलेला
असा एक नाजूक धागा असतो
त्याला परत एकदा विसरू नकोस.🙄

नातं टिकवायची जबाबदारी ही दोघांची
म्हणून तुला सांगणे की, आपल्या मैत्रीचा
अंत असा परत एकदा पाहू नकोस.🙄
– प्रेमा