मध्येच रुसणारी
खुदकन हसणारी
एक तरी मैत्रीण हवी.😊

काहीतरी मध्येच बोलणारी
लगेच शांत बसणारी
एक तरी मैत्रीण हवी.🥰

अखंड बडबड करणारी
मध्येच शून्यात जाणारी
एक तरी मैत्रीण हवी.😊

माझं ऐकुन घेणारी
स्वतःच ऐकवणारी
एक तरी मैत्रीण हवी.🥰

सुख दुःख जाणून घेणारी
मानसिक आधार देणारी
एक तरी मैत्रीण हवी.😊

चेहरा पाहून मनातलं ओळखणारी
मायेने त्याची चौकशी करणारी
एक तरी मैत्रीण हवी.🥰

स्वतःचा हक्क दाखवणारी
माझ्यावर दादागिरी करणारी
एक तरी मैत्रीण हवी.😊

आपलंच म्हणून समजणारी
स्वतःचे मन मोकळे करणारी
एक तरी मैत्रीण हवी.🥰
– प्रेमा