आई

निम्मे वय झाले तरी तिला आपलं बाळ हे अजुन

लहानचं आहे असे वाटते ती म्हणजे आई.🤗

आपल्या पिल्लांना त्रास होऊ नये म्हणून

सर्व संकट परतवू पाहणारी ती म्हणजे आई.🤗

बाळाला थोडा जरी त्रास झाला तरी स्वतः रडून

रडून रात्र जागून काढणारी ती म्हणजे आई.🤗

लेकरू उपाशी राहू नये म्हणून आजारपणातही

उठून स्वयंपाक करणारी ती म्हणजे आई.🤗

मुलांच्या भविष्यासाठी पै पै गोळा करून स्वतःच्या

पोटाला चिमटा काढणारी ती म्हणजे आई.🤗

बाळाच्या सुखासाठी दिवस रात्र एक करून

सर्वतोपरी धडपडणारी ती म्हणजे आई.🤗

हजार चुका केल्या तरी त्याचा बोभाटा न करता

आपल्या पोटात घालून घेणारी ती म्हणजे आई.🤗

लेकराच्या चेहऱ्यावर कायम हसू पाहण्यासाठी

जगाशी लढण्यासाठी तयार राहणारी ती म्हणजे आई.🤗

वयाने कितीही मोठे झालात तरी शेवट पर्यंत सोबत

असावी असे वाटणारी व्यक्ती ती म्हणजे आई.🤗

जगाच्या पाठीवर कुठेही गेलात तरी

फक्त नावचं बास असते ती म्हणजे आई.🤗

– प्रेमा