आजची यशस्वी नारी तू

कोणत्याही क्षेत्रात पाय रोवून खंबीर नेतृत्व करणारी तू,

पंख पसरून आकाशाकडे झेप घेणारी आजची स्वतंत्र नारी तू.

तुला गालबोट लवणाऱ्यांचा हिरीरीने सामना करणारी तू,

कोणत्याही परिस्थितीत स्वाभिमान जपणारी आजची कणखर नारी तू.

अनंत संकटाना न डगमगता सातत्यपूर्ण पुढे जाणारी तू,

स्वतःचे विक्रम स्वतःच तोडणारी आजची विजयी नारी तू.

मायेचा आणि प्रेमाचा झरा सतत वाहवत ठेवणारी तू,

सर्व कर्तव्य पार पाडत यशाचे शिखर गाठणारी आजची यशस्वी नारी तू.

– प्रेमा