कधी कधी वाटतं एक अदृश्य असा साथी असावा,

आपले मन न सांगता तो आपोआप जाणून बसावा.

स्वतःचे सुख दुःख आपल्या समोर खुले करावा,

न घाबरता तो आपल्या भोवती गुणगुणत रहावा.

कधीतरी आपल्यातील चांगल्या गोष्टींचा पाढा वाचावा,

हवेतल्या गप्पा न करता कधीतरी वास्तव संवाद साधावा.

एकसंध बडबड न करता आपले बोलणे पण ऐकावा,

त्याच्या विषयीच्या आपल्या भावना पण कधीतरी जाणून घ्यावा.

कोणाचाच कोणावर कसलाच अधिकार नसावा,

एकमेकांना या नात्याचा पूर्णपणे आदर असावा.

कधी कधी वाटतं अनोळखी व आभासी असा साथी असावा,

आपले वास्तव पडताळून पाहण्याचा त्याचा कधीच अट्टाहास नसावा.

– प्रेमा