काय जादू केलीस सखे

तुझ्यावरची माझी नजर हटतच नाही,

तू समोर असताना दुसऱ्या

कोणालाही पाहू वाटतच नाही.

तुझा तो साज श्रृंगार पाहून

होतो मी आपसूक घायाळ,

कधी घालशील तुझ्या

हातांची माझ्या गळ्यात माळ.

तू समोर असताना फक्त

तुझ्याकडे एकटक पाहतो,

खुश होऊन तुझ्या प्रेमाच्या

रंगात मनोमन नहातो.

बास कर आता असा हा

तुझा नजरेचा इशारा,

तुझ्या या अवखळ नजरेचा

दिवाना जग सारा.

तूच सांग सखे माझ्या

मनाला कसे मी सावरू,

तुझ्या प्रेमाचा भुकेला

मी स्वतःला कसा आवरू.

न लाजता ये अशी माझ्या

जवळ होऊनी बेधुंद,

आज साजरा करूया

आपल्या प्रेमाचा आनंद.

– प्रेमा