चूक कोणाची?

वाईट लोकांच्या संगतीला लागून

आपला संसार उद्ध्वस्त होत असेल

तर यात नेमकी चूक कोणाची?🤔

आपल्या करणीची फळं घरच्या लोकांना

हकनाक भोगावे लागत असतील

तर यात नेमकी चूक कोणाची?🤔

आपली चूक दाखवणाऱ्याला दुर्लक्षित

करून पायावर दगड पाडून घेत असेल

तर यात नेमकी चूक कोणाची?🤔

आपल्याजवळ असणारे ढीगभर ज्ञान बाजूला

ठेवून कुरघोडी करण्यात वेळ घालवत असू

तर यात नेमकी चूक कोणाची?🤔

आपल्या इगोमुळे समंजस लोकांना

बाजूला सारून स्वार्थी लोकांत रमत असू

तर यात नेमकी चूक कोणाची?🤔

आपल्याच तोऱ्यात वावरत लांडग्याना जवळ

करून प्रामाणिक लोकांना त्रास देत असू

तर यात नेमकी चूक कोणाची?🤔

आपल्या वाईट वागणुकीमुळे कुटुंबाचे

विनाकारण हाल होत असतील

तर यात नेमकी चूक कोणाची?🤔

आपल्या शक्तीचा वापर करून ज्यांना

उचलून धरले तेच जीवावर उठत असतील

तर यात नेमकी चूक कोणाची?🤔

– प्रेमा