प्रजासत्ताक दिन आला की मी अलगद बालपणीच्या आठवणीत रमून जाते,

त्यावेळेस केलेल्या धमाल मस्तीची अचानक आठवण येते.🇮🇳

पूर्वसंध्येला प्रजासत्ताकची पूर्ण तयारी करताना धांदल उडायची,

रात्री उशिरापर्यंत जागून पण सकाळी लवकर उठण्यात भारी मज्जा यायची.🇮🇳

शाळेच्या मैदानवर होणारे संचालन खूप भारी वाटायचे,

प्रभातफेरी निघाली की आपापले मित्र मैत्रिणी गाठायचे.🇮🇳

प्रभातफेरी वेळी देशावर घोषणा देणे हा आमचा आवडता कार्यक्रम असायचा,

रस्त्यावरून जाताना प्रत्येक घरासमोर काढलेली रांगोळी आणि देशभक्तीपर गीत हे आपल्या स्वागतासाठी आहे असं वाटायचं.🇮🇳

स्काऊटगाईड, एमसीसीमध्ये भाग घेऊन झेंड्याला मानवंदना द्यायची,

हे करताना आपणच सीमेवर उभे आहोत असा फिल यायचा.🇮🇳

प्रजासत्ताक दिनी मैदानावर होणारे मल्लखांब, टिपऱ्या, लेझिम, झांज यासारखे विविध कार्यक्रम खूप छान असायचे,

तहान भूक हारून आणि उन्हात उभे राहून सगळे या कार्यक्रमाचा आस्वाद घ्यायचे.🇮🇳

असा आमचा अनोखा प्रजासत्ताक दिन मला नेहमीच आठवतो

आणि त्याच जुन्या पण नवीन भासाव्या अशा आठवणी तो मनी जागवतो.🇮🇳

🙏🇮🇳🙏🇮🇳🙏🇮🇳🙏

– प्रेमा