सकाळी उठल्या पासून सूर्य अस्ताला जाई पर्यंत घरोघरी
फिरून नागरिकांना जागृत करते मी आशा वर्कर.✊

पालवे, गाव, झोपडपट्टी असो की चाळ प्रत्येक घरात
शासकीय योजना पोहोचवण्याचे काम करते मी आशा वर्कर.✊

बाळाच्या जन्मा पासून ते मृत्यू पर्यंत सर्व नोंदी ठेवून
शासनाला योग्य ती मदत करते मी आशा वर्कर.✊

नवीन नवरी असुदे की वयस्कर सासूबाई त्या सगळ्यांची
चौकशी करून मैत्रीण होते मी अशा वर्कर.✊

राजकारण, समाजकारण आणि अर्थकारण या सगळ्यांना
दोन हात करून ताठ मानेने उभी राहते मी आशा वर्कर.✊
– प्रेमा