मुलगा व्हावा म्हणून अनेक

नवस करणारे पाहिले आहेत;

पण मुलीला समानतेने

वागवणारे खूप कमी आहेत.

 

मुलगी असते हास्याची खाण,

ती असते कुटुंबाची शान.

ती ठेवते तुमचा मान..

 

ती असली की सगळीकडे चिवचिवाट,

ती असली की घरात घमघमाट.

ती असली की आयुष्यात भरभराट..

 

मुलगी असते चमकता तारा,

ती असते प्रेमाचा मधुर झरा.

ती असते अनमोल हिरा..

 

ती देते नवीन विचार,

ती शिकवते आचार.

ती करते तुमचा चांगला प्रचार..

 

ती नेहमी जपते स्वाभिमान,

तिला असतो घरच्यांचा अभिमान.

ती होऊ देत नाही कधी तुमचा अपमान..

 

तिच्यासाठी नका करू नवस,

आठवणीने जपा तिची हौस.

बघा तुमच्या जीवनात पडेल आनंदाचा पाऊस..

 

टिपा तिच्या जीवनातील आनंद क्षणोक्षणी,

ती आजन्म तुमची राहीन ऋणी.

तुमच्या शिवाय तिचे आहे तरी दुसरे कोणी?

 

मुलासाठी करता कितीतरी अटापिटा,

मुलगी कधीही देणार नाही तुम्हाला फाटा.

सज्जनहो मुलीसाठी उचला थोडा पुण्याचा वाटा..

– प्रेमा