इथे चमचांचीच चलती
इथे चमचांचीच भरती.🍴

सगळीकडे ढवळाढवळ करती
तरी चमचेच सगळ्यांना भारी वाटती.🍴

सत्य तेच वाटे जे चमचे सांगती
हेच चमचे त्यांना तोंडावर पाडीती.🍴

अडचणीच्या वेळी हेच चमचे माघारी फिरती
तरीही म्होरके नादात चमचेच गोळा करती.🍴

आता म्होरक्यांची पण आहे तीच गती
ते पण कोणाचे तरी चमचे म्हणून मिरवती.🍴

चमचे कधीही कोणाचे नसती
तरी म्होरके त्यांनाच वर आणती.🍴

चमचांचे कितीही लाड केले तरी
गोड बोलून ती म्होरक्यांचीच मारती.🍴

अशा वाईट वृत्तीला अधिकारी खतपाणी घालती
मग का नाही होणार हळू हळू चमच्यांचीच बढती?🍴
– प्रेमा