लोकांनी नियम न पाळल्यामुळे
परत रस्ते पडले ओसाड,
मुलांच्या सामाजिकरणात परत
एकदा लॉकडाऊन आले आड.
कोरोनाचे सर्व नियम दिसत
आहेत फक्त खिळ्यावर,
नागरिक बिनधास्त फिरती
सर्व नियम मारून फाट्यावर.
समाजाच्या दुर्लक्षाने कोरोनाने
परत एकदा घातला आहे गोंधळ,
पेशंटचे जीव वाचवण्यासाठी
होत आहे सर्वांची धावपळ.
बेड आणि रेमडेसिविरचा
सुरू आहे एकच गदारोळ,
यामुळे सर्वसामान्य जनतेचे
मरण झाले आता अटळ.
सरकारी यंत्रणेचा भोंगळा कारभार
परत एकदा आला समोर,
मृत्यू पावणाऱ्या पेशंट विषयी
सर्व करतात सावरासावर.
एक पेशंट मरणे समाजासाठी
आकडेवारी असेल पर,
त्याच्या घरच्या सर्वांसाठी
आहे दुःखाचा मोठा डोंगर.
प्रेमाचे सांगणे सर्वांना
गरज नसताना बाहेर पडणे टाळा,
आपण सगळे मिळून जिद्दीने
कोरोना महामारीला घालुया आळा.
– प्रेमा