हे कविते

न जाणो आपल्या मैत्रीला कोणाची नजर लागली

तू हल्ली माझ्याकडे फिरकतंच नाहीस.😒

न जाणो तुला कशाचा राग आला

तू हल्ली माझ्याकडे येतंच नाहीस.😒

न जाणो तू कशावरून रुसलीस

तू हल्ली डोक्यात पिंगा घालतंच नाहीस.😒

न जाणो तू का एवढी दुरावलीस

तू हल्ली माझ्यापुढे व्यक्त होतंच नाहीस.😒

न जाणो तू का रीती झालीस

तू हल्ली प्रेमाला जाणतंच नाहीस.😒

हे कविते ना जाणो तू कधी जवळ येशील

प्रेमाच्या शब्दांना कधी कवेत घेशील?😒

– प्रेमा