मी कामात व्यस्थ असले

की तू पण सुस्त बसतेस,

कमाल करतेस कविता

तू पण कमाल करतेस.😊

 

वेळी अवेळी माझ्या मनात

हळूच तीमतीमुन जातेस,

कमाल करतेस कविता

तू पण कमाल करतेस.🥰

 

ऐन झोपेच्या वेळीच माझ्या

सभोवताली गुणगुणत राहतेस,

कमाल करतेस कविता

तू पण कमाल करतेस.🤩

 

कधी कधी अचानक हुलकावणी

देऊन दूर पळून जातेस,

कमाल करतेस कविता

तू पण कमाल करतेस.🙄

 

झोपेत असताना मध्येच जागवून

तुला हवे ते वदवून घेतेस,

कमाल करतेस कविता

तू पण कमाल करतेस.😏

 

तुझ्या मनात आले की दिवसभर

विचारांचा पिंगा घालत बसतेस,

कमाल करतेस कविता

तू पण कमाल करतेस.😍

 

तू आहेस प्रेमाची आवडती सखी

म्हणून हट्टाने सर्व लाड पुरवून घेतेस,

कमाल करतेस कविता

तू पण कमाल करतेस.😘

– प्रेमा