सकाळचे पाच वाजले की ही सुरू होई,

ते रात्री अकरा पर्यंत अविरत चालू राही,

याची साक्षीदार मी पीएमपीएमएलची प्रवासी.🚃

 

ओळख जीची गोरगरिबांची सोबती,

वाहक-चालक सर्व प्रवाशांशी समानतेने वागती,

याची साक्षीदार मी पीएमपीएमएलची प्रवासी.🚃

 

लहान थोरांच्या कलकलाटाने धन्य होई,

कोणत्याही परिस्थितीत प्रवाशांना वाहून नेई,

याची साक्षीदार मी पीएमपीएमएलची प्रवासी.🚃

 

सगळ्यांच्या गंमतीजमती ही जवळून पाही,

हिचे प्रवाशांशी अतूट नाते तयार होई,

याची साक्षीदार मी पीएमपीएमएलची प्रवासी.🚃

 

पुण्याच्या कोणत्याही दिशेला ही न थकता जाई,

पीएमपीएमएलच्या प्रवासाने पुणेकर धन्य होई,

याची साक्षीदार मी पीएमपीएमएलची प्रवासी.🚃

 

पुण्याच्या विकासात नक्कीच ही वाटेकरी,

वाहक-चालक दिसती माणुसकीचे पहारेकरी,

याची साक्षीदार मी पीएमपीएमएलची प्रवासी.🚃

– प्रेमा