बाकीच्यांचे माहिती नाही पण मला रोज रात्री,
हा कधी एकदाचा दूर होईल हा विचार येतो.🙄

हल्ली सगळे काम धाम बाजूला ठेवून फक्त
याच्या विचारातच माझा दिवस मावळतो.🙄

दुसरं कोणाची एवढी हिंमत नाही; पण
हा माठ रोज रात्री मला उगाच त्रास देतो.🙄

याच्या रोजचा जबरदस्त होणारा त्रास आठवला की, दिवस मावळताना माझ्या अंगावर काटा येतो.🙄

मला हळूच चकवा देत हा माझा जानी दुश्मन,
दिवसभर कुठे तरी दबा धरून बसलेला असतो.🙄

चला आज तरी शांत झोपायला मिळेल या विचारात आडवे झाले की, याचा त्रास हळूहळू सुरू होतो.🙄

हा लवकर जावा म्हणून सगळे काही उपाय केले; पण जाणे तर सोडा उलट मला रात्रभर जागवतो.🙄

या कोरड्या खोकल्याला माझी किव नाहीच आली,
बघा याच्या जागरणाने प्रेमाची कविता तयार झाली🙄
– प्रेमा